Թրամփը Զելենսկուն կներկայացնի խաղաղության իր ծրագիրը, հետո կզանգահարի Պուտինին

«Kyiv Independent»-ի տվյալներով՝ Ուկրաինայի և ԱՄՆ նախագահները հուլիսի 8-ին Անկարայում կայանալիք ՆԱՏՕ-ի գագաթնաժողովում կհանդիպեն՝ քննարկելու պատերազմի ավարտի հնարավոր ուղիները։

«Kyiv Independent» պարբերականի փոխանցմամբ՝ ԱՄՆ և Ուկրաինայի նախագահների հանդիպումը նախատեսված է հուլիսի 8-ին Անկարայում, որտեղ անցկացվելու է ՆԱՏՕ-ի գագաթնաժողովը, և կողմերը քննարկելու են պատերազմի դադարեցման հնարավոր տարբերակները։ 

Ըստ աղբյուրների՝ Կիևում ներկա ժամանակահատվածը նպատակահարմար են դիտարկում Պուտինի նկատմամբ ճնշումները մեծացնելու, ինչպես նաև նրան Զելենսկու հետ անմիջական բանակցությունների մղելու համար։ «Kyiv Independent»-ի զրուցակիցը հայտնել է, որ դրա պատճառներից մեկը հենց Ռուսաստանի ներսում տրամադրությունների փոփոխությունն է, քանի որ ավելի մեծ թվով ռուսներ են ուզում պատերազմի ավարտը, իսկ ներքին դժգոհության ալիքն աճում է, հատկապես՝ բենզինային ճգնաժամի պայմաններում։ Բացի այդ, նշվում է, որ Թրամփը ցանկանում է Զելենսկուն ծանոթացնել Ռուսաստանի հետ հավանական խաղաղության համաձայնագրի սեփական տեսլականին, ինչից հետո ԱՄՆ նախագահը հեռախոսակապով կզրուցի ռուս դիկտատորի հետ։