Իսրայելը փորձել է Ֆրանսիային ստիպել հրաժարվել Պաղեստինը ճանաչելուց
Իսրայելը փորձել է ճնշում գործադրել Ֆրանսիայի վրա, որ վերջինս հրաժարվի Պաղեստինի պետության ճանաչումից։
Իսրայելը սպառնացել է կրճատել հետախուզական տվյալների փոխանակումը և գուցե անեքսիայի ենթարկի Պաղեստինի տարածքի մի մասը, հաղորդել է Reuters-ը՝ հղում անելով աղբյուրներին։
Հինգշաբթի օրը Ֆրանսիայի նախագահ Էմանուել Մակրոնը հայտարարել էր, որ Փարիզը պաշտոնապես կճանաչի Պաղեստինի պետությունը սեպտեմբերին ՄԱԿ-ի Գլխավոր ասամբլեայում։
Ֆրանսիացի պաշտոնյաները նշել են, որ Իսրայելը ամիսներ շարունակ ճնշում է գործադրել Մակրոնի վրա՝ կանխելու ճանաչումը։
Իսրայելի կողմից Ֆրանսիային ուղղված նախազգուշացումները ներառել են հետախուզական տվյալների փոխանակման կրճատում և Փարիզի տարածաշրջանային նախաձեռնությունների խոչընդոտում, և նույնիսկ ակնարկներ են արվել Արևմտյան ափի մի մասի հնարավոր անեքսիայի մասին։
Ֆրանսիացի պաշտոնյաների խոսքով՝ Փարիզը որոշել է, որ Նեթանյահուն կգործի իր ձևով Արևմտյան ափի հարցում՝ անկախ նրանից, թե Ֆրանսիան ճանաչում է Պաղեստինը, թե ոչ։
