Լարված իրավիճակ Ուկրաինայի քաղաքներում. ցուցարարները վճռական են տրամադրված
Ռովնո քաղաքի բնակիչները միացել են սկանդալային օրենքի դեմ բողոքի ցույցերին, որը փաստացի վերացնում է Ազգային հակակոռուպցիոն բյուրոյի (NABU) և Կոռուպցիոն դեմ պայքարի մասնագիտացված դատախազության (SAP) անկախությունը: Այս մասին հաղորդում է «Ռիա Նովոստի»-ն:
Ավելի վաղ բողոքի ցույցի էին դուրս եկել Դնեպրի, Կիևի, Լվովի, Օդեսայի, Պոլտավայի և Տերնոպոլի բնակիչները։ Մայրաքաղաքում ցուցարարները նաև պահանջել են Վլադիմիր Զելենսկու գրասենյակի ղեկավար Անդրեյ Երմակի հրաժարականը:
Հավելենք՝ Գերագույն ռադան 263 ձայնով ընդունեց օրենք, որը փաստացի վերացնում է NABU-ի և SAP-ի անկախությունը: Օրենքն արդեն ստորագրել է խորհրդարանի խոսնակ Ռուսլան Ստեֆանչուկը: Ուկրաինացի մի շարք պատգամավորներ հայտնել են, որ օրենքն արդեն ստորագրել է Վլադիմիր Զելենսկին, սակայն Ռադայի կայքում հաստատող տվյալներ չկան:
Ընդունված օրենքի համաձայն՝ Ուկրաինայի գլխավոր դատախազը դառնում է ՀԴԲ դատախազների ղեկավար, ինչը գործնականում կոռուպցիայի դեմ պայքարի դատախազությունը փոխանցում է իր ենթակայությանը և ազդում NABU-ի կողմից վարվող գործերի վրա: Բացի այդ, օրենքը չեղյալ է հայտարարում գործերը NABU-ից այլ մարմիններ փոխանցելու արգելքը, և գլխավոր դատախազն այժմ կկարողանա ստանձնել NABU-ի վարույթները և փոխանցել դրանք այլ դատախազների:
