Իրանը պատրաստ է նոր հարվածներ հասցնել Իսրայելին. Փեզեշքիան

Թեհրանը պատրաստ է պատասխանել Իսրայելին հարվածներով, եթե որոշեն վերսկսել հարձակումներն Իրանի տարածքի վրա: Այս մասին հայտարարել է Իրանի նախագահ Մասուդ Փեզեշքիանը «Ալ Ջազիրա»-ին տված հարցազրույցում։

«Մենք պատրաստ ենք Իսրայելի կողմից ցանկացած ռազմական գործողության: Մեր ուժերը գտնվում են լիակատար մարտական պատրաստության մեջ, որպեսզի կրկին հարված հասցնեն Իսրայելի տարածքի խորքերը։

Իսրայելը մեզ լուրջ հարվածներ է հասցրել, բայց մենք էլ պատասխանել ենք հզոր հարձակումներով, որոնց մասշտաբների մասին նրանք նախընտրում են լռել», - ասել է Իրանի նախագահը: