Իսրայելի ռազմաօդային ուժերը հարվածել են «Հեզբոլլահ» շարժման ռազմական ճամբարներին
Իսրայելի պաշտպանության ուժերը (IDF) հայտնել են, որ հարվածներ են հասցրել Լիբանանի Բեքաա հովտում գտնվող «Հեզբոլլահ» շարժման հատուկ նշանակության ուժերի ռազմական ճամբարներին: Այս մասին հաղորդում է «ՏԱՍՍ»-ը։
«Իսրայելի ռազմաօդային ուժերը վերջերս հարվածներ են հասցրել Լիբանանի Բեքաա շրջանում գտնվող «Հեզբոլլահ» ահաբեկչական խմբավորման մի քանի թիրախների։
Հարվածների ընթացքում հարձակվել են Ռադվանի ուժերի ճամբարների վրա, որտեղ հայտնաբերվել են զինյալներ և զենքի պահեստներ», - ասվում է բանակի մամուլի ծառայության հայտարարության մեջ։
