Սիրիայում մոլեգնող հրդեհները մոտեցել են հայաբնակ գյուղերից մեկին

Սիրիայի Լաթաքիա նահանգում անտառային հրդեհները շարունակվում են արդեն մոտ 2 շաբաթ։

«Գանձասարը» հայտնում է, որ կրակը մոտեցել է հայաբնակ Քեսաբի գյուղերից մեկին՝ Տիվզաղաճին։

Տեղի բնակիչներն արդեն 2 օր աշխատանքներ են իրականացնում՝ հրդեհի տարածումը կանխելու համար, որը դժվարանում է ուժեղ քամիների պատճառով։

Մեծին տան Կիլիկիո կաթողիկոսարանից էլ հայտնում են, որ Արամ Ա-ն ուշադրության կենտրոնում է պահում կատարվող աշխատանքներն ու մշտական կապի մեջ է տեղի հայ համայնքի պատասխանատուների հետ։

Հավելենք՝  հրդեհներն արդեն լուրջ վնաս են հասցրել Լաթաքիայի անտառներին, գյուղատնտեսական հողերին և պտղատու այգիներին։ Քաղաքացիական պաշտպանության խմբերը տարհանել են բազմաթիվ ընտանիքների։