Որոշ իրադարձություններով պայմանավորված ՄԱԳԱՏԷ-ն կձևափոխվի․ Արաղչի
Թեհրանը հավատարիմ է եղել և մնում է Միջուկային զենքի չտարածման մասին պայմանագրին: Այս մասին հայտարարել է Իրանի արտաքին գործերի նախարար Աբբաս Արաղչին:
«Իրանի միջուկային ծրագիրն ինչպես եղել է, այնպես էլ կմնա խաղաղ։ Մենք հանդիսանում ենք և կհանդիսանանք Միջուկային զենքի չտարածման մասին պայմանագրի դրույթներին հավատարիմ անդամ»,-հայտարարել է նախարարը Իրանի ԱԳՆ-ում տարբեր երկրների դիվանագիտական ներկայացուցիչների հետ հանդիպման ժամանակ ունեցած իր ելույթի ընթացքում:
Նա նաև նշել է, որ Թեհրանը չի դադարեցրել համագործակցությունը ատոմային էներգիայի միջազգային գործակալության (ՄԱԳԱՏԷ) հետ, սակայն, պայմանավորված տեղի ունեցած իրադարձություններով, այդ գործակցությունը կձևափոխվի:
