Պատերազմի ավարտից հետո Ֆրանսիան և Մեծ Բրիտանիան 50 հազար զինվորական կուղարկեն Ուկրաինա

Ֆրանսիայի նախագահ Էմանուել Մակրոնը Մեծ Բրիտանիայի վարչապետ Քեյր Սթարմերի հետ համատեղ մամուլի ասուլիսում, որը կարող է հիմք հանդիսանալ Ուկրաինայում հնարավոր ռազմական կոնտինգենտի համար, հայտարարել է, որ ֆրանս-բրիտանական համատեղ արշավախմբային ուժերի թիվը կարող է ավելացվել մինչև 50,000 մարդ, հաղորդում է Le Figaro թերթը։

«Մենք այս համատեղ ուժերի թիվը բրիգադի մակարդակից ավելացնում ենք մինչև բանակային կորպուսի մակարդակ, այսինքն՝ մինչև 50,000 մարդ, որոնք կարող են մասնակցել խոշոր ճակատամարտի», - ասել է Ֆրանսիայի նախագահը։

Ելիսեյան պալատը հայտարարել է, որ այս ուժերն արդեն «կարևոր դեր են խաղում «կամավորների կոալիցիայի» կազմակերպման գործում»։

Դրանք կարող են դառնալ «անվտանգության ուժերի պլանավորման կենտրոն, որոնք կարող են տեղակայվել Ուկրաինայում՝ որպես հրադադարի մի մաս, դրա կնքումից հետո», նշել է Ֆրանսիայի նախագահի աշխատակազմը։

Ռուսաստանի արտաքին գործերի նախարար Սերգեյ Լավրովը հայտարարել է, որ Ուկրաինա խաղաղապահներ ուղարկելու ծրագիրը Կիևին Ռուսաստանի դեմ պատերազմի «հրահրելու» շարունակությունն է։ Եթե ՆԱՏՕ-ի զորքերը հայտնվեն Ուկրաինայում, նույնիսկ օտարերկրյա դրոշի ներքո, Ռուսաստանը դա չի ընդունի, ասել է նախարարը։