Փաշինյանի հայտարարությունը ՔԿ-ին ուղղված պատվեր է. Միքայել Սրբազանի պաշտպանների թիմ
Միքայել սրբազանի պաշտպանական թիմը Հայաստանի վարչապետ Նիկոլ Փաշինյանի այսօրվա հայտարարությունը գնահատել է, որպես դատախազությանը և քննչական մարմնին ուղղված պատվեր կամ հանձնարարություն՝ Մայր Աթոռում դատավարական գործողություններ (խուզարկություն կամ ձերբակալություն) իրականացնելու վերաբերյալ:
Հիշեցնենք՝ ավելի վաղ Փաշինյանը ֆեյսբուքում գրել էր.
«Առավելևս այս պարագայում, Վաղարշապատ խոշորացված համայնքի որեւէ տարածք չի կարող իրավապահների գործունեության համար փակ լինել, մանավանդ որ, Կտրիճի եւ մի քանի այլ անձանց շնորհիվ այդ տարածքները փակ չեն շնության համար»:
