Գերմանիայում կանցլերին կոչ են արել զրուցել Պուտինի հետ

Գերմանիայի կանցլեր Ֆրիդրիխ Մերցը պետք է վերջապես գոնե հեռախոսային բանակցություններ վարի Ռուսաստանի նախագահ Վլադիմիր Պուտինի հետ։ Այս մասին մամուլի ասուլիսի ժամանակ հայտարարել է «Այլընտրանք Գերմանիայի համար» կուսակցության համանախագահ Թինո Խրուպալլան։

«Մենք կոչ ենք անում Ֆրիդրիխ Մերցին, վերջապես, բանակցություններ վարել Վլադիմիր Պուտինի հետ, գոնե հեռախոսով», - ասել է նա և ավելացրել, «կարծում եմ, որ դա կարևոր ներդրում կլիներ Գերմանիայի կողմից»։ 

Մինչ այդ Մերցը հայտարարել էր, որ երկրի քաղաքացիների շրջանում տարածված է Ռուսաստանի հետ պատերազմի վախը, սակայն անձամբ ինքը նման մտավախությունների պատճառ չի տեսնում: