Իսրայելի ՊՆ նախարարը սպառնացել է․ պատասխան հարվածներ կլինեն
Իսրայելի պաշտպանության նախարար Իսրայել Կացը սպառնացել է հարձակվել Եմենի վրա՝ երեկոյան հուսիթների կողմից արձակված հրթիռից հետո։ Այս մասին Իսրայելի պաշտպանության նախարարը հայտնել է «X»-ի իր էջում։
Իր գրառման մեջ Կացը անդրադարձել է Իսրայելի կողմից Իրանի վրա հարձակումներին և ասել, որ նրանք նույն կերպ կհարվածեն հուսիթներին։
Նշենք, որ Եմենում գտնվող հուսիթները հրթիռ են արձակել Իսրայելի ուղղությամբ։ Չնայած հուսիթները հայտարարել են, որ հրթիռը դիպել է թիրախին, իսրայելական բանակը հայտարարել է, որ հրթիռը չեզոքացվել է։
