Իրանի ԱԳՆ–ն հայտարարություն է արել. Թեհրանն ապացույցներ ունի
Իրանի արտգործնախարար Աբբաս Արաղչին հայտարարել է, որ Թեհրանն ապացույցներ ունի, ըստ որոնց Մերձավոր Արևելքում տեղակայված ԱՄՆ ռազմական բազաները ներգրավված են Իսրայելին աջակցելու գործում։ Այս մասին հաղորդում է IRIB հեռուստաալիքը:
Ըստ իրանցի դիվանագետի՝ դա տեղի է ունեցել առանց այն երկրների կառավարությունների իմացության, որոնցում տեղակայված են այդ օբյեկտները։
«Մենք ապացույցներ ունենք նաև, որ Մերձավոր Արևելքի տարածաշրջանում տեղակայված ամերիկյան բազաները, չնայած այն երկրների կառավարությունների իմացության բացակայությանը, որտեղ դրանք տեղակայված են, որոշակի դեր են խաղացել Իսրայելին աջակցելու գործում», - շեշտել է Իրանի արտաքին քաղաքական գերատեսչության ղեկավարը։
