Իսրայելական հետախուզությունը հաստատում է այդ լուրը
Ֆորդոյին հարվածելուց հետո Իսրայելը իր գործակալներին ուղարկեց այնտեղ՝ իրավիճակը գնահատելու համար։ Նրանք հաստատեցին, որ Ֆորդոն ամբողջությամբ ոչնչացված է։ Այս մասին Հաագայում ՆԱՏՕ-ի գագաթնաժողովում լրագրողների հետ զրույցում հայտարարել է ԱՄՆ նախագահ Դոնալդ Թրամփը։
«Ես չեմ կարծում, որ իրանցիները հնարավորություն ունեին Ֆորդոյից ինչ-որ բան տարհանելու։ Որովհետև մենք շատ արագ գործեցինք։ Հարվածները ճշգրիտ էին։ Դա իսկապես անթերի գործողություն էր։ Իսրայելն այժմ զեկույց է պատրաստում այս հարցի վերաբերյալ», - ասել է Թրամփը։
Նշենք, որ հունիսի 22-ին Միացյալ Նահանգները ավիահարվածներ է հասցրել Իրանի երեք միջուկային օբյեկտներին։
