Թրամփը՝ Իրանում իշխանափոխություն իրականացնելու մասին
ԱՄՆ նախագահ Դոնալդ Թրամփը հայտարարել է` չի ուզում, որ Իրանում իշխանափոխություն լինի։
«Եթե դա տեղի ունենա, ուրեմն տեղի կունենա։ Բայց ո՛չ, ես դա չեմ ուզում: Ես կցանկանայի, որ ամեն ինչ հնարավորինս շուտ հանդարտվեր: Ռեժիմի փոփոխությունը քաոս է առաջացնում, իսկ մենք այդքան քաոս չենք ուզում», - ասել է Թրամփը։
Նա հավելել է` Իրանը կարող է վերականգնվել, քանի որ իրանցիները շատ լավ առևտրականներ են, գերազանց գործարարներ։
«Նրանք շատ նավթ ունեն։ Կկարողանան վերականգնվել և հաջողության հասնել: Նրանք երբեք միջուկային զենք չեն ունենա, բայց, բացի դրանից, նրանք պետք է հաջողության հասնեն», - եզրափակել է նա։
