Իսրայելը ռմբակոծել է Թեհրանի կենտրոնը. զոհվել են հարյուրավոր զինվորներ

Իսրայելը Թեհրանի կենտրոնին ծանր հարվածներ հասցրեց նախքան հրադադարի ուժի մեջ մտնելը, որի հետևանքով զոհվեցին Բասիջի հարյուրավոր զինվորներ։ Այս մասին հայտարարություն է տարածել Իսրայելի վարչապետի գրասենյակը։

Նշվել է նաև, որ ավելի վաղ Բեեր Շեբա քաղաքի վրա Իրանի հրթիռային հարձակումների հետևանքով զոհվել է չորս մարդ։ Այնուհետև իսրայելական բանակը հարվածել է Թեհրանի մոտակայքում գտնվող ռադարային կայաններին։

Իսրայելը դադարեցրել է Իրանի տարածքի վրա հարձակումները ԱՄՆ նախագահ Դոնալդ Թրամփի և վարչապետ Բենիամին Նեթանյահուի միջև հեռախոսազրույցից հետո։

ԱՄՆ նախագահ Դոնալդ Թրամփը Նեթանյահուի հետ զրույցի ժամանակ շնորհակալություն է հայտնել Իսրայելին իր նպատակներին հասնելու համար։