Իրանի նախագահի ուղերձը հարևան պետություններին
Իրանը հավատում է բոլոր հարևան երկրների հետ խաղաղ համակեցությանը և հույս ունի համատեղ դիմադրել անբարյացակամ պետությունների՝ տարածաշրջանում տարաձայնություններ սերմանելու փորձերին: Այս մասին հայտարարել է Իսլամական Հանրապետության նախագահ Մասուդ Փեզեշքիանն իր ուղերձում։
«Ես նաև հայտարարում եմ հարևան երկրներին և ամբողջ տարածաշրջանին, որ մենք խորապես հավատում ենք խաղաղ համակեցությանը և կայունությանը Մերձավոր Արևելքում: Մեր ընդհանուր իմաստությունն ու խոհեմությունը կխափանեն թշնամիների ծրագրերը, որոնք ձգտում են տարաձայնություններ սերմանել մեր միջև»,- ընդգծել է նախագահը:
