ԱԷՄԳ-ն՝ Իրանի հարևան երկրներում ճառագայթման ազդեցության մասին
Ատոմային էներգիայի միջազգային գործակալությունը հայտարարել է, որ Իրանի միջուկային օբյեկտներին Իսրայելի և ԱՄՆ զինված ուժերի հարվածներից հետո տարածաշրջանի երկրներում որևէ ճառագայթային ազդեցություն չի գրանցել։ Այս մասին հայտարարել է գործակալության գլխավոր տնօրեն Ռաֆայել Գրոսսին։
«Մեր ունեցած տեղեկատվության հիման վրա ԱԷՄԳ-ն կարող է վստահորեն հայտարարել, որ հարձակումների հետևանքով Իրանի հարևան երկրների բնակչության կամ շրջակա միջավայրի վրա ճառագայթային ազդեցություն չի եղել», - ընդգծել է Գրոսին։
