Թրամփը սպառնացել է միգրանտներին
ԱՄՆ նախագահ Դոնալդ Թրամփը մեղադրել է նախկին նախագահ Ջո Բայդենին 21 միլիոն անօրինական ներգաղթյալների երկիր մուտք գործելու թույլտվության մեջ՝ «երկրագնդի ամենավտանգավոր վայրերից»։
ԱՄՆ նախագահը նշեց, որ ներգաղթյալները զավթել են աշխատատեղերը, միլիարդներ են ծախսել սոցիալական ապահովության վրա և Օհայո նահանգի Սփրինգֆիլդ քաղաքի նման քաղաքները վերածել են «մղձավանջի»։
Թրամփը շեշտել է, որ խոստացել է ԱՄՆ պատմության մեջ ամենամեծ զանգվածային արտաքսումը, և ինքը «պատմական մանդատ» ունի դա անելու համար՝ լայն հանրային աջակցությամբ։
«Բայդենը թույլ է տվել 21 միլիոն չստուգված, անօրինական ներգաղթյալների ներթափանցել երկիր՝ աշխարհի ամենավտանգավոր և դիսֆունկցիոնալ երկրներից՝ նրանցից շատերը բռնաբարողներ, մարդասպաններ և ահաբեկիչներ են։ Անօրինական ներգաղթյալների այս ալիքը ոչնչացրել է Ամերիկայի պետական դպրոցները, հիվանդանոցները, այգիները, համայնքային ռեսուրսները և կենսապայմանները։
Նրանք զավթել են ամերիկացիների աշխատատեղերը, ծախսել միլիարդավոր դոլարներ սոցիալական ապահովության վրա և Սփրինգֆիլդի (Օհայո) նման մի ժամանակ հանգիստ համայնքները վերածել են երրորդ աշխարհի մղձավանջների։ Ես առաջադրվել եմ ԱՄՆ պատմության մեջ ամենամեծ զանգվածային արտաքսումն իրականացնելու օրակարգով, և ես ստացել եմ պատմական մանդատ դա անելու համար։
Հարցումները ցույց են տալիս, որ հանրային ճնշող աջակցություն է ցուցաբերվում երկիրը անօրինական ներգաղթյալներից ազատելուն, և դա հենց այն է, ինչ մենք կանենք։ Որպես գերագույն հրամանատար, ես միշտ կպաշտպանեմ և կաջակցեմ ICE-ի և սահմանապահ հերոսներին, որոնց աշխատանքն արդեն ապահովել է այս երկրի պատմության մեջ ամենաապահով սահմանը։ Յուրաքանչյուր ոք, ով հարձակվի ICE սպայի կամ սահմանապահ պարեկի գործակալի վրա, կհայտնվի բանտում։
Եվ նրանք, ովքեր այստեղ անօրինական են, պետք է կամ կամավոր հեռանան՝ օգտագործելով CBP Home հավելվածը, կամ ICE-ն կգտնի ձեզ և կարտաքսի։ Ամերիկան փրկելը բանակցելի չէ»,- գրել է Թրամփը սոցցանցում։
