Իրավիճակը սրվում է․ Իսրայելը պատրաստ է հարվածել Իրանին․CBS

ԱՄՆ պաշտոնյաները տեղեկություն են ստացել, որ Իսրայելը պատրաստ է Իրանի դեմ ռազմական գործողություն իրականացնել: Այս մասին հայտնել է ամերիկյան CBS հեռուստաալիքը։

Նրա աղբյուրների խոսքով՝ «ԱՄՆ պաշտոնյաներին տեղեկացրել են, որ Իսրայելը լիովին պատրաստ է Իսլամական Հանրապետության դեմ գործողություն սկսել»: Թե կոնկրետ որտեղից է այդ տեղեկությունը ստացվել ամերիկյան կողմից, չի հստակեցվում։

«ԱՄՆ-ն ակնկալում է, որ Իրանը կարող է պատասխան հարված հասցնել հարևան Իրաքում ամերիկյան որոշ օբյեկտների», - նշվում է հեռուստաալիքի կայքում հրապարակված հրապարակման մեջ:

Նրա տեղեկություններով՝ դա է պատճառներից մեկը, որ Պետդեպարտամենտը հրահանգել է ամերիկյան դեսպանատան աշխատակիցների մի մասին լքել արաբական երկիրը։

Հրապարակման մեջ հստակեցվում է, որ ԱՄՆ նախագահ Դոնալդ Թրամփի հատուկ բանագնաց Սթիվեն Ուիթքոֆը նախկինի պես պլանավորում է հանդիպել Իրանի ներկայացուցիչների հետ՝ Թեհրանի միջուկային դոսյեի շուրջ բանակցությունների հերթական փուլի անցկացման համար:

Ըստ ամերիկացի պաշտոնյաների՝ Իսրայելը պատրաստ է հարվածներ հասցնել իրանական միջուկային օբյեկտներին: