Չենք բացառում այդ երկիր դեմ ուժի կիրառումը ցանկացած պահի. Իսրայել

Իսրայելի իշխանությունները չեն բացառում Իրանի դեմ ուժի կիրառումը ցանկացած պահի՝ հրեական պետության անվտանգության համար։ Այս մասին TASS-ին հայտնել է Իսրայելի վարչապետի գրասենյակի խորհրդական Դմիտրի Գենդելմանը։

«Իսրայելը կգործի իր սեփական անվտանգության համար՝ ցանկացած պահի և ցանկացած վայրում», - ասել է նա՝ պատասխանելով Իրանի դեմ ուժային միջոցներ ձեռնարկելու երկրի պատրաստակամության մասին հարցին։

Այսօր ABC News-ը հաղորդել է, որ Իսրայելի իշխանությունները կարող են հրաման տալ հարվածել Իրանին առաջիկա օրերին։ Երեք աղբյուրների համաձայն՝ նրանք տեղեկություններ չունեն այն մասին, թե արդյոք Վաշինգտոնը ներգրավված է հնարավոր հարձակման ծրագրերում։ Սակայն նրանք չեն բացառել, որ Միացյալ Նահանգները կարող է Իսրայելին տրամադրել հետախուզական տեղեկատվություն։

Հունիսի 12-ին Իսլամական հեղափոխության պահապանների կորպուսի հրամանատար Հոսեյն Սալամին, Իսրայելի կողմից սպասվող հարվածի մասին տեղեկատվության ֆոնին, հայտարարել է, որ Իրանի պատասխանը կլինի «ավելի ուժեղ և ավելի կործանարար», քան նախկինում։