Ուկրաինան և ՌԴ-ն կփոխանակեն զոհերի մարմինները. հայտնի է օրը

Ուկրաինայի և Ռուսաստանի միջև զոհվածների մարմինների փոխանակումը նախատեսված է հաջորդ շաբաթ։ Այս մասին հայտարարել է Ուկրաինայի ՊՆ գլխավոր հետախուզական վարչության պետ Կիրիլ Բուդանովը։ 

Նրա խոսքով՝ Ուկրաինան բախվում է Ռուսաստանի կողմից տեղեկատվական ճնշմանը և փոխանակման գործընթացի պարամետրերը միանձնյա թելադրելու փորձերին։ Նա նշել է, որ փոխանակման հարցը չպետք է լինի մեկի միանձնյա որոշումը, և այստեղ ճնշումն ու մանիպուլյացիաներն անընդունելի են. «Հատկապես ցինիկ են հնչում որոշ ռուս քարոզիչների փորձերը` շահարկելու մարդկային վիշտը, որին իրենք են ներգրավված...»

Բուդանովը նաև նշել է, որ Ուկրաինայի համակարգող շտաբն աշխատում է Ստամբուլում ձեռք բերված պայմանավորվածությունների հիման վրա փոխանակման կազմակերպման ուղղությամբ։