Կրակոցները նպատակ ունեն զինծառայողներին, բնակիչներին հոգեբանորեն ճնշել. ԳՇ պետ
ԱԺ-ում լրագրողների հետ ճեպազրույցի ժամանակ ԳՇ պետ Էդուարդ Ասրյանը սահմանային իրավիճակը գնահատեց հարաբերական կայուն։
«Այո, կրակոցներ հնչել են, հնչում են, բայց դրանք նպատակային չեն, թիրախային չեն։ Այն կրակոցները, որոնք թիրախավորում են, դրա մասով մեր գերատեսչության պաշտոնական լրատվականը տեղեկատվություն տալիս է»,-ասել է Ասրյանը։
Անդրադառնալով ադրբեջանական կողմի հայտարարություններին, թե իրենք չեն եղել կրակողները, ԳՇ պետը ասել է. «Միանշանակ իրենք այդպես կասեն, բայց դե իրենք են կրակողները։ Առաջինը կրակող կողմն ավելի լավ կիմա իր նպատակները։ Իսկ մեր գնահատականով նպատակները հետևյալն են՝ փորձում են մեր զինծառայողների,սահմանային բնակչության վրա ճնշում գործադրել։ Փաստն այն է, որ մենք դրանց վրա ուշադրություն չենք դարձնում, շարունակում ենք մեր բնականոն ծառայությունը»։
Դիտարկմանը՝ ի՞նքն էլ է վարչապետի պես կարծում, որ պատերազմ չի լինելու, այլ լինելու է խաղաղություն, Ասրյանը նշել է.«Վարչապետը ՀՀ ԶՈՒ գերագույն հրամանատարն է, և այն ինչ նա հնչեցնում է, ուրեմն բավականին հիմքեր ունի դրա համար»։
