Հետևեք արձակուրդներին և կտեսնեք՝ ինչ է կատարվում Երևանում․ Աղազարյանը՝ Բագրատյանին

Հովիկ Աղազարյանն ԱԺ-ում հայտարարություննեի ժամին անդրադառնալով Սերգեյ Բագրատյանի այն խոսքին, որ պետք է լուծվի խցանումների հարցն ասել է․ «Եթե ուզում եք, խցանումների հարցը լուծե՞լ, այնպես արեք, որ երեխաները ոտքով գնան դասի, ոտքով․․․ ընդամենն այդքան բան»։

Հիշեցնենք՝ Հայաստանի Ազգային ժողովում, այսօր ավանդույթի համաձայն հերթական նիստերի երեքշաբթի օրվա վերջին նիստում պատգամավորների հայտարարությունների ժամ էր:

Հերթագրվել էր 10 պատգամավոր: Նրանցից յուրաքանչյուրը կարող էր հանդես գալ մինչեւ 3 րոպեանոց հայտարարությամբ:

Առաջին 10 հերթագրվածներն էին՝ Ալեքսանդր Ավետիսյանը, Տիգրան Աբրահամյանը, Արմենուհի Ղազարյանը, Հայկ Կոնջորյանը, Սերգեյ Բագրատյանը, Լիլիթ Մինասյանը, Հովիկ Աղազարյանը, Ալխաս Ղազարյանը, Ջուլիետա Ազարյանը և Էդուարդ Աղաջանյանը։