Հարվարդը չի կարող օտարերկրյա ուսանողներ ընդունել

ԱՄՆ նախագահ Դոնալդ Թրամփի վարչակազմը զրկել է Հարվարդի համալսարանին օտարերկրյա ուսանողներին ընդունելու և կրթելու իրավունքից: Այս մասին հայտնել է ԱՄՆ-ի ներքին անվտանգության դեպարտամենտը։

Քրիստի Նոեմը ով հանդիսանում է կառույցի ղեկավար, հրաման է արձակել չեղարկելու Հարվարդի համալսարանի՝ ուսանողների փոխանակման ծրագիր իրականացնելու վկայագիրը:

Օտարերկրացիները, որ ցանկանում են սովորել ԱՄՆ-ում, պետք է ստանան F կամ M դասի վիզա:

Վիզայի համար անհրաժեշտ փաստաթղթեր կարող են տրամադրել Մմիայն այն կրթական հաստատությունները, որոնք ստացել են Ուսանողների և փոխանակման ծրագրերի մասնակիցների ընդունման վկայագիր։ Սա նշանակում է, որ Հարվարդի համալսարանն այլևս չի կարող ընդունել օտարերկրյա ուսանողների:

Ովքեր արդեն սովորում են Հարվարդում, ստիպված կլինեն տեղափոխվել այլ համալսարան՝ շարունակելու ուսումը, հակառակ դեպքում նրանք կկորցնեն երկրում մնալու իրավունքը:

Նախորդ ուսումնական տարում Հարվարդում սովորել է մոտ 7000 օտարերկրյա ուսանող, ինչը կազմում է ընդհանուր ուսանողների 27.2%-ը:

«Վարչակազմը Հարվարդին պատասխանատու է համարում բռնության հրահրման, հակասեմականության և Չինաստանի կոմունիստական կուսակցության հետ կապերի համար», - հայտարարել է Նոեմը: