Ուկրաինան իր պայմաններն ունի առաջադրված․ Մեր դիրքորոշումը հստակ է․ Երմակ

Ռուսաստանի հետ ռազմական գործողությունների դադարեցման շուրջ բանակցությունների շարունակությունը հնարավոր է միայն գերիների փոխանակումից հետո, իր Telegram ալիքում հայտարարել է Վլադիմիր Զելենսկիի գրասենյակի ղեկավար Անդրեյ Երմակը։

«Մեր դիրքորոշումը հստակ է. առաջին քայլը պետք է լինի գերիների փոխանակման մասին պայմանավորվածություն՝ 1000-ը 1000-ի դիմաց ձևաչափով: Երկրորդ քայլը պետք է լինի Ռուսաստանի ներկայացուցիչների հետ հաջորդ հանդիպման վայրը որոշելը», – գրել է Երմակը:

Հավելենք՝ Ռուսաստանի և Ուկրաինայի միջև նախորդ ուղիղ շփումները տեղի են ունեցել անցյալ ուրբաթ Ստամբուլում, հանդիպումը տևել է գրեթե երկու ժամ։