Ռուսաստանն է Ադրբեջանին հանձնե՞լ Ղարաբաղը․ փաստերը հակառակն են ասում․ Լավրով
Ազնիվ չէ, երբ ոմանք պնդում են, թե Ռուսաստանն է Ադրբեջանին հանձնել Ղարաբաղը, փաստերը հակառակն են ասում։ Այս մասին Հայ-ռուսական համալսարանում ելույթի ժամանակ ասել է ՌԴ Արտաքին գործերի նախարար Սերգեյ Լավրովը:
«Մենք այդ մասին տեղեկացել ենք ԶԼՄ-ներից», - ասել է Լավրովը՝ նկատի ունենալով 2022-ի հոկտեմբերին Պրահայում ՀՀ վարչապետ Նիկոլ Փաշինյանի կողմից Լեռնային Ղարաբաղն Ադրբեջանի կազմում պաշտոնապես ճանաչելն ու Ալմա Աթայի հռչակագրի վրա հիմնվելը:
Ավելի վաղ վարչապետ Նիկոլ Փաշինյանը հայտարարել էր, որ Ալմա Աթայի հռչակագիրը դեմոնիզացնելը շատ վտանգավոր է, որովհետև դե յուրե և դե ֆակտո ՀՀ-ն և հետխորհրդային մյուս պետություններն անկախություն ստացել են նաև հենց այդ հռչկագրով։
