Իրան-ԱՄՆ բանակցությունների հինգերորդ փուլի անցկացման վայրը հայտնի է

Իրանի և Միացյալ Նահանգների միջև Իսլամական Հանրապետության միջուկային ծրագրի շուրջ տարաձայնությունները կարգավորելու շուրջ բանակցությունների հինգերորդ փուլը տեղի կունենա մայիսի 23-ին՝ Հռոմում։ Այս մասին X-ի իր միկրոբլոգում գրառման մեջ հայտնել է Օմանի արտաքին գործերի նախարար Բադր Ալբուսայիդին: Նշենք, որ նա երկխոսության միջնորդի դերում է հանդես գալիս։

«Իրանի և Միացյալ Նահանգների միջև բանակցությունների հինգերորդ փուլը տեղի կունենա Հռոմում՝ մայիսի 23-ին», - գրել է նա:

Հիշեցնենք՝ Միացյալ Նահանգները և Իրանը Օմանի միջնորդությամբ անցկացրել են բանակցությունների չորս փուլ՝ Թեհրանի միջուկային ծրագրի շուրջ տարաձայնությունները լուծելու նպատակով։