ԵՄ-ն կշարունակի ճնշումը․ ՌԴ-ի համար հետևանքները կլինեն «ջախջախիչ»

Եվրամիությունը մտադիր է շարունակել ճնշում գործադրել Ռուսաստանի վրա ուկրաինական հարցում և արդեն աշխատում է պատժամիջոցների հաջորդ փաթեթի վրա, որը Ռուսաստանի համար «ջախջախիչ» հետևանքներ կունենա։ Այս մասին «Ռիա Նովոստի»-ին հայտնել են Եվրամիության արտաքին քաղաքական ծառայությունից։

«Եթե Ռուսաստանը չհամաձայնի լիակատար անվերապահ հրադադարի, ավելի մեծ ճնշում կլինի։ Մենք արդեն աշխատում ենք ավելի խիստ պատժամիջոցներով հաջորդ փաթեթի վրա»,- հայտարարել է ԵՄ ներկայացուցիչը։

Հավելենք՝ Ռուսաստանում բազմիցս հայտարարել են, որ երկիրը կհաղթահարի պատժամիջոցային ճնշումը, որն Արևմուտքը սկսել է գործադրել Ռուսաստանի վրա մի քանի տարի առաջ և շարունակում է ուժեղացնել: Մոսկվայում նշել նաև, որ Արևմուտքին պակասում է խիզախությունը՝ ընդունելու Ռուսաստանի Դաշնության դեմ պատժամիջոցների ձախողումը։ Արևմտյան պետություններում բազմիցս կարծիքներ են հնչել, որ հակառուսական պատժամիջոցներն անարդյունավետ են։