Դա կպաշտպանի մեր հայրենիքը․ Թրամփ
ԱՄՆ նախագահ Դոնալդ Թրամփը հայտարարել է, որ հաստատել է «Ոսկե գմբեթ» անվանումը ստացած 175 միլիարդ դոլար արժողությամբ հրթիռային պաշտպանական վահանի նախագիծը։
Նա ծրագրի ղեկավար է նշանակել ԱՄՆ Տիեզերական ուժերի գեներալ Մայքլ Գյուտլեյնին։
Նախագիծը նախատեսում է ստեղծել արբանյակների ցանց, որը կկարողանա հայտնաբերել, հետևել և, անհրաժեշտության դեպքում, խոցել թշնամու հրթիռները։
«Ոսկե գմբեթը կպաշտպանի մեր հայրենիքը»,- ասել է Թրամփը։
Պաշտպանական վահանը պետք է շահագործման հանձնվի մինչև իր նախագահական ժամկետի ավարտը՝ 2029 թվականի հունվարին։
