ԱՄՆ-ն նախազգուշացրել է․ «աննախադեպ մասշտաբների պատերազմ» կսկսվի

ԱՄՆ պետքարտուղար Մարկո Ռուբիոն հայտարարել է, որ Սիրիան կարող է ներքաշվել նոր քաղաքացիական պատերազմի մեջ, կամ իշխանությունն այնտեղ կարող է ամբողջությամբ փլուզվել մի քանի շաբաթից, այս մասին գրում է  New York Post-ը։

«Մեր գնահատմամբ, անցումային իշխանությունն ընդամենը մի քանի շաբաթ է հեռու հնարավոր փլուզումից և էպիկական մասշտաբների լայնամասշտաբ քաղաքացիական պատերազմից, որը կհանգեցնի երկրի պառակտմանը»,- հայտարարել է Ռուբիոն։

Նա նախազգուշացրել է, որ միայն պատժամիջոցների մեղմացումը «բավարար չի լինի» Սիրիայում իրավիճակը կայունացնելու համար, և ենթադրել է, որ «Կոնգրեսի մակարդակով կամ ավելի համալիր մակարդակով ինչ-որ բան պետք է ձեռնարկվի»՝ երկիրը ավելի քան 14 տարվա քաղաքացիական պատերազմից հետո վերակենդանացնելու համար։

Ռուբիոն նաև նախազգուշացրել է, որ եթե Սիրիան նորից փլուզվի, դա կարող է քաոսի հանգեցնել ամբողջ Մերձավոր Արևելքում, և ընդգծել է, որ երկիրը դարձել է «ջիհադիստական խմբավորումների համար խաղահրապարակ» այն բանից հետո, երբ 2011 թվականի մարտին երկրում քաղաքացիական պատերազմ բռնկվեց։