Ուկրաինան բացարձակապես պատրաստ է դրան . Զելենսկի

Ուկրաինան իր գործընկերների հետ քննարկում է Ռուսաստանի Դաշնության հետ հաջորդ ուղիղ բանակցությունները: Այս մասին հայտարարել է նախագահ Վլադիմիր Զելենսկին:

Նրա խոսքով՝ Ուկրաինան և գործընկերները քննարկել են երեկ ԱՄՆ նախագահ Դոնալդ Թրամփի հետ ունեցած զրույցի մանրամասներն ու գաղափարները։

Զելենսկին ընդգգծել է, թե կարևոր է, որ Ամերիկան ​​շարունակի մասնակցել խաղաղության մերձեցման գործընթացին։ Նրա խոսքով՝ ի վերջո, հենց Ամերիկայից են «վախենում» Ռուսաստանում, և ԱՄՆ-ն կարող է ազդել Ռուսաստանի նախագահ Վլադիմիր Պուտինի վրա:

«Մենք գործընկերների հետ խոսում ենք ռուսների հետ հաջորդ հանդիպումների մասին. ուղիղ բանակցություններ, որոնց Ուկրաինան բացարձակապես պատրաստ է, և՝ ցանկացած ձևաչափով, որը արդյունք կտա։ Ես շնորհակալ եմ բոլոր նրանց, ովքեր օգնում են մեզ»,- նշել է Ուկրաինայի նախագահը։