Որոշ եվրոպացիներ կոչ են անում ռազմական գործեր սկսել. Ռուբիո

ԱՄՆ պետքարտուղար Մարկո Ռուբիոն ասել է, որ Հռոմ կատարած այցի ժամանակ լսել է գնահատականներ, որ Եվրոպան հակամարտություն է ցանկանում։

«Կարդինալներից մեկը, ում ես հանդիպեցի, մեզ համար շատ անսովոր ասաց, որ ամերիկայի նախագահը խաղաղություն է ուզում, և որոշ եվրոպացիներ անընդհատ կոչ են անում ռազմական գործեր սկսել, ասես աշխարհը գլխիվայր շուռ է եկել»,-ասել է Ռուբիոն Քենեդու կենտրոնի հոգաբարձուների խորհրդի ընթրիքի ժամանակ, որը կազմակերպել էր ԱՄՆ նախագահ Դոնալդ Թրամփը:

Ռուբիոյի խոսքով՝ Թրամփը ցանկանում է, որ պաշտպանության համար մեծ ծախսերի կարիք չլինի, նույն գումարը կարելի է ներդնել տնտեսական զարգացման համար։