Հարվարդի համալսարանը կզրկվի խոշոր դրամաշնորհներից
ԱՄՆ Առողջապահության և մարդկային ծառայությունների դեպարտամենտը դադարեցնում է Հարվարդի համալսարանին հատկացվող 60 միլիոն դոլարի դաշնային դրամաշնորհները։ Այս մասին գրել է Reuters-ը։
ԱՄՆ նախագահ Թրամփի վարչակազմը մեղադրել է համալսարանին ուսանողների դիմումների ուսումնասիրման ժամանակ նրանց էթնիկ պատկանելությունը հաշվի առնելու և հրեաների նկատմամբ խտրականություն ցուցաբերելու համար:
Վարչակազմը դա կապել է պաղեստինամետ ուսանողական շարժման հետ:
«Հակասեմականության և ռասայական խտրականության դեմ պայքարում Հարվարդի համալսարանի երկարատև ձախողման պատճառով ԱՄՆ Առողջապահության և մարդկային ծառայությունների դեպարտամենտը դադարեցնում է մի քանի բազմամյա դրամաշնորհներ»,- նշված է հաղորդագրությունում:
