Քաղաքականություն

ԵՄ-ն որոշել է վերացնել Սիրիայի նկատմամբ տնտեսական պատժամիջոցները

ԵՄ-ն որոշել է վերացնել Սիրիայի նկատմամբ տնտեսական պատժամիջոցները
Եվրամիության անդամ երկրները որոշում են կայացրել հանել Սիրիայի դեմ սահմանված տնտեսական պատժամիջոցները։Այս մասին հայտարարել է հանրակցության դիվանագիտության ղեկավար Կայա Կալասը՝ կիսվելով Բրյուսելում ԵՄ…

Եվրամիության անդամ երկրները որոշում են կայացրել հանել Սիրիայի դեմ սահմանված տնտեսական պատժամիջոցները։Այս մասին հայտարարել է հանրակցության դիվանագիտության ղեկավար Կայա Կալասը՝ կիսվելով Բրյուսելում ԵՄ Խորհրդի նիստի արդյունքներով։


«Այսօր մենք որոշում ենք կայացրել հանել Սիրիայի դեմ մեր տնտեսական պատժամիջոցները։ Մենք ցանկանում ենք օգնել Սիրիայի ժողովրդին վերականգնել նոր, ներառական և խաղաղ Սիրիան», - գրել է նա:



Ավելի վաղ հաղորդվում էր, որ ԵՄ ԱԳ նախարարները պատրաստվում են համաձայնեցնել Սիրիայի նկատմամբ նախագահ Բաշար Ասադի օրոք սահմանված տնտեսական պատժամիջոցների վերացումը: Այս քայլը Դամասկոսի նկատմամբ միջազգային դիրքորոշման վերանայման մաս է կազմում և նպատակ ունի աջակցել երկրի վերականգնմանը նախկին նախագահ Բաշար ալ-Ասադի իշխանությունից հեռանալուց հետո:


Հիշեցնենք` ԵՄ–ն Սիրիայի նկատմամբ առաջին անգամ պատժամիջոցներ սահմանեց 2011 թվականին՝ որպես պատասխան պաշտոնական Դամասկոսի կոշտ գործողություններին, որոնք կիրառվել էին երկրում հակակառավարական ելույթների մասնակիցների նկատմամբ: Հետագայում ԵՄ-ն բազմիցս խստացրեց գործող սահմանափակող միջոցները՝ ընդլայնելով դրանց շրջանակը և լրացնելով դրանք նոր սահմանափակումներով։

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7314) Միջազգային (3207) ԱՄՆ (2275) Ռուսաստան (2074) Իրան (1731) Ընտրություններ (1270) Ուկրաինա (817) Երևան (793) Իսրայել (757) Ադրբեջան (610) Փաշինյան (557) Եվրոպա (510) Ընդդիմություն (434) Թրամփ (427) Ազգային ժողով (396)

Radio Aurora

Լսել Radio Aurora

Գովազդային տարածք

300x250