Սիմոնյանը` Բաղրամյան 26-ում տեղի ունեցած պայթյունի մասին

ԱԺ նախագահ Ալեն Սիմոնյանը քիչ առաջ ֆեյսբուքյան էջում հրապարակել է տեսանյութ:

Նա նշել է, որ գնում է Բաղրամյան 26-ի հարևան տարածք, որտեղ էլ կփորձի պարզել` իրե՞նն են արդյոք կառուցվող շենքերը, որոնց շինարարության պատճառով էլ տեղի է ունեցել Սիլվա Կապուտիկյան փողոցի վթար-պայթյունը: Նա կոչ արեց շենքերի «իրական տերերին» գալ դեպքի վայր, որովհետև ինքը հետամտորեն ապացուցելու է, թե ում են դրանք պատկանում:

Ավելի վաղ հրդեհին ականտես կինը հայտարարել էր, որ շենքերից մեկն Ալեն Սիմոնյանինն է:

Ալեն Սիմոնյանն էլ գրել էր.

«Խնդրում եմ օգնել ինձ` գտնել այս` Բաղրամյան 26-ի հարևանությամբ բնակվող կնոջը: Անուն Ազգանուն հեռախոսահամար»:

Հիշեցնենք` Երևանի Սիլվա Կապուտիկյան փողոցում տրանսպորտային միջոցների բախման հետևանքով բռնկված հրդեհը մարվել է։ Այս մասին հայտնում է ՆԳՆ փրկարար ծառայությունը։