Ավինյանը՝ Նոր Նորքի ղեկավարի հրաժարականի և պահվածքի մասին

Երևանի քաղաքապետ Տիգրան Ավինյանն արձագանքել է Նոր Նորք վարչական շրջանի ղեկավարի պաշտոնից Տիգրան Տեր-Մարգարյանի հրաժարականին։ 

«Մեր աշխատանքը ենթադրում է էական զսպվածություն։ Ենթադրում է զսպվածություն նաև այն պայմաններում, երբ մեզ անընդհատ սադրում են։ Եվ այդ սադրանքներն անընդհատ և անդադար շարունակվելու են» ,-ասել է Ավինյանը։

Նրա խոսքով, սադրանքների դեպքում միայն բիրտ ուժը չէ, որ կարող է կիրառվել, այլ կան նաև այլ՝ քրեաիրավական մեթոդներ։

«Այն տեղերում, որտեղ անձինք պաշտոնյաների նկատմամբ անհարգալից վերաբերմունք կցուցաբերեն, այն կանցնի Քրեական օրենսգրքի որոշ հոդվածներով։ Վստահեցնում եմ, մեր ուշադրությունը սևեռված է լինելու այդ տեսակ վարքագծին» ,- հավելել է Տիգրան Ավինյանը։