Հնդիկները չեղարկում են հանգիստը Թուրքիայում և Ադրբեջանում
Հնդկաստանի քաղաքացիները չեղարկել են իրենց հանգիստը Թուրքիայի և Ադրբեջանի հայտնի հանգստավայրերում: Այս մասին հայտնում է Reuters-ը՝ վկայակոչելով երկու տուրիստական ընկերություններ:
Տուրերի ամրագրման ընկերությունների տվյալներով՝ հնդիկները չեղարկում են ուղևորություններն այն բանից հետո, երբ այդ երկրներն աջակցություն հայտնեցին Պակիստանին` վերջին հակամարտության ժամանակ:
Հավելենք` Հնդկաստանի և Պակիստանի միջև հարաբերությունները սրվել են ապրիլի 22-ին Հնդկաստանի Ջամմու և Քաշմիր նահանգի Պահալգամ քաղաքի մոտ տեղի ունեցած ահաբեկչական հարձակումից հետո: Ահաբեկչության հետևանքով զոհվել է 25 հնդիկ և մեկ նեպալցի: Հնդկաստանը հարձակման համար մեղադրում է Պակիստանին, սակայն հերքում է իր մասնակցությունը։
Մայիսի 7-ին Հնդկաստանի պաշտպանության նախարարությունը հայտարարեց, որ իրականացրել է «Սինդուր» գործողությունը ՝ հարվածներ հասցնելով Պակիստանում գտնվող «ահաբեկչական ենթակառուցվածքներին»։ Մայիսի 10-ին երկրները համաձայնեցին դադարեցնել բոլոր հրետակոծությունները և ռազմական գործողությունները ցամաքում, օդում և ծովում:
