Պեսկովը` Պուտինի և Թրամփի հանդիպման պայմանների մասին

ՌԴ նախագահի մամուլի քարտուղար Դմիտրի Պեսկովը հայտարարել է, որ Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի հանդիպումն անհրաժեշտ է, լուրջ խոսակցություն է պետք միջազգային հարցերի, այդ թվում՝ ուկրաինական ճգնաժամի շուրջ:

Նշենք, որ Թրամփը Աբու Դաբիում հայտարարել է, որ ՌԴ նախագահ Պուտինի հետ իր հանդիպումը տեղի կունենա, հենց որ հաջողվի դա կազմակերպել:

«Այդպիսի հանդիպումն, անկասկած, անհրաժեշտ է։ Այն անհրաժեշտ է ինչպես առաջին հերթին ռուս-ամերիկյան երկկողմ հարաբերությունների, այնպես էլ միջազգային հարցերն ու տարածաշրջանային գործընթացները, այդ թվում, իհարկե, Ուկրաինայի շուրջ ճգնաժամը բարձր մակարդակով լուրջ քննարկելու տեսանկյունից»,- նշել է Պեսկովը:

Նա նաև հավելել է, որ Ռուսաստանի և ԱՄՆ նախագահների շփումները չափազանց կարևոր են Ուկրաինայի կարգավորման համատեքստում: Միաժամանակ նա նշել է, որ նման հանդիպումները պետք է լավ պատրաստված լինեն։

«Հանդիպումը վերևներում պետք է նախապատրաստվի, և այն պետք է արդյունավետ լինի, քանի որ միշտ վերևների հանդիպմանը նախորդում են փորձագիտականբանակցությունները, խորհրդակցությունները, երկարատև լարված նախապատրաստությունները»,-ասել է Պեսկովը: