Հայաստանում բնակչության թիվն ավելացել է
Հայաստանում մշտական բնակչության թվաքանակը 2025 թվականի հունվարի 1-ի դրությամբ կազմել է 3 մլն 76 հազար 200 մարդ: Այս մասին Radar Armenia-ին տղեկացրել են ՀՀ վիճակագրական կոմիտեից։
Նախորդ տարվա՝ 2024 թվականի նույն ժամանակահատվածի համեմատ մշտական բնակչության թիվն աճել է 2.8%-ով կամ 85 հազարով։ 2024 թվականի հունվարի 1-ին բնակչության թիվը 2 մլն 991 հազար 200 էր։
Քաղաքային բնակչությունը կազմում է 1 մլն 971,2 հազար, գյուղականը՝ 1 մլն 105 հազար։
Մայրաքաղաք Երևանում է բնակվում 1 մլն 141 հազար մարդ։ Բնակչության թվով Երևանին հաջորդում է Կոտայքի մարզը՝ 293,3 հազար մարդ, երրորդ տեղում Արմավիրի և Արարատի մարզերն են, համապատասխանաբար, 267,9 հազար և 267,6 հազար մարդ։
Երևանում ամենաշատ բնակչությունն ունի Մալաթիա-Սեբաստիա վարչական շրջանը՝ 150 հազար մարդ, դրան հաջորդում է Նոր-Նորքը՝ 136,9 հազար մարդ։
