Թրամփը մտադիր է Ստամբուլ մեկնել

ԱՄՆ նախագահ Դոնալդ Թրամփը հայտարարել է, որ մտադիր է հինգշաբթի Ստամբուլ մեկնել, որտեղ այդ օրը կարող է տեղի ունենալ Ռուսաստանի և Ուկրաինայի միջև ուղիղ բանակցությունները: 

Սպիտակ տան ղեկավարի խոսքով՝ մայիսի 15-ին Մոսկվայի և Կիևի ներկայացուցիչների հնարավոր հանդիպումը չպետք է թերագնահատել:

Նա նաև նշել է, որ կարծում է, որ Կիևի և Մոսկվայի ներկայացուցիչների հանդիպումից դրական արդյունքներ կգրանցվեն։

«Ռուսաստանի և Ուկրաինայի հետ հինգշաբթի օրը կայանալիք հանդիպումը շատ կարևոր է: Ես շատ էի պնդում, որ այդ հանդիպումը կայանա: Կարծում եմ, որ այս հանդիպումից լավ բան կարող է դուրս գալ»,-ասել է նա:

Թրամփը նաև հայտարարել է, որ կարծում է՝ Ռուսաստանը կհամաձայնի 30-օրյա հրադադարին։

Հիշեցնենք, որ շաբաթ օրը Պուտինը Կիևին առաջարկել էր մայիսի 15-ից վերսկսել ուղիղ բանակցությունները՝ առանց նախապայմանների: Վլադիմիր Զելենսկին հայտարարել է, որ մայիսի 15-ին անձամբ կժամանի Ստամբուլ: