Ուկրաինան պատրաստ է․ Զելենսկին արձագանքել է Պուտինին
Ուկրաինան պատրաստ է Ռուսաստանի հետ ուղիղ բանակցությունների հրադադարից հետո։ Ուկրաինայի նախագահ Վլադիմիր Զելենսկին արձագանքել է Ռուսաստանի հետ բանակցություններ վարելու առաջարկին։
«Լավ նշան է, որ ռուսները վերջապես սկսել են մտածել պատերազմը դադարեցնելու մասին: Ցանկացած պատերազմի իրական ավարտի առաջին քայլը հրադադարն է: Ակնկալում ենք, որ Ռուսաստանը կհաստատի հրադադարը՝ սկսած վաղվանից, և Ուկրաինան պատրաստ է հանդիպել», – նշել է նա։
Հիշեցնենք՝ մայիսի 11-ի երեկոյան ելույթի ժամանակ ՌԴ նախագահ Վլադիմիր Պուտինը առաջարկել է Ուկրաինային վերսկսել ուղիղ բանակցությունները, որոնք ընդհատվել էին 2022 թվականի գարնանը:
