ԱՄՆ պետքարտուղարը՝ Հնդկաստանի և Պակիստանի պաշտոնյաների հետ զրույցի մասին
Վերջին 48 ժամվա ընթացքում ես և ԱՄՆ փոխնագահ Ջեյ Դի Վենսը զրուցել ենք Հնդկաստանի և Պակիստանի բարձրաստիճան պաշտոնյաների հետ, այդ թվում՝ վարչապետներ Նարենդրա Մոդիի և Շեհբազ Շարիֆի ու այլ պաշտոնյաների հետ։ Այս մասին X սոցցանցում ում գրել է ԱՄՆ պետական քարտուղար Մարկո Ռուբիոն՝ անդրադառնալով Հնդկաստանի և Պակիստանի միջև ամբողջական և անհապաղ հրադադարի հաստատման մասին պայմանավորվածությանը։
«Ուրախ եմ տեղեկացնել, որ Հնդկաստանի և Պակիստանի կառավարությունները համաձայնել են անհապաղ հրադադարի և չեզոք վայրում բանակցություններ սկսել հարցերի լայն շրջանակի շուրջ»,-գրել է նա։
Նշենք, որ Հնդկաստանը և Պակիստանը պաշտոնապես հաստատել են հրադադարի մասին պայմանավորվածության հետ կապված տեղեկությունը։
