Մասսայական հարձակում Կիևի վրա. կան տուժածներ
Կիևում անօդաչու թռչող սարքերի (ԱԹՍ) գիշերային հարձակման հետևանքով ավերածություններ և հրդեհներ են արձանագրվել քաղաքի երեք շրջաններում։
Արդեն հայտնի է 11 տուժածի մասին, որոնց թվում կան երեխաներ: Այս մասին հայտնում է РБК-Украина-ն՝ հղում անելով Արտակարգ իրավիճակների պետական ծառայությանը (ԱԻՊԾ)։
ԱԻՊԾ-ից հայտնել են, որ հրդեհներ և ավերածություններ են արձանագրվել ուկրաինական մայրաքաղաքի Օբոլոնի, Սվյատոշինի և Շևչենկոյի շրջաններում։ Հրդեհները, որոնք բռնկվել էին Կիևի վրա հերթական օդային հարձակման հետևանքով, արդեն մարվել են։
«Ընդհանուր առմամբ, ԱԹՍ-ների հարձակման հետևանքով տուժել է 11 մարդ, որոնցից 2-ը՝ երեխա։ Տուժածների մասին տեղեկատվությունը ճշտվում է», - հայտնել են ծառայությունից։
