Պեսկովը հայտնել է՝ որ դեպքում Ռուսաստանը կարող է միջուկային զենք օգտագործել

Ռուսաստանը, համաձայն միջուկային նոր դոկտրինի կետերի, կարող է միջուկային զենք կիրառել արեւմտյան երկրների կողմից ագրեսիայի դեպքում։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը՝ մեկնաբանելով ՌԴ Անվտանգության խորհրդի քարտուղար Սերգեյ Շոյգուի հայտարարությունը։

«Իսկապես, միջուկային զենքի վերաբերյալ մեր դոկտրինում ամեն ինչ գրված է: Դա իսկապես այդպես է, այս դոկտրինան հասանելի է»,- նշել է Պեսկովը լրագրողների հետ ճեպազրույցում։

Կրեմլի ներկայացուցիչը խոսել է նաեւ Ուկրաինայի տարածքում ՆԱՏՕ-ի խաղաղապահների տեղակայման մասին։ Պեսկովն ընդգծել է, որ դա «բացարձակապես անընդունելի է» Ռուսաստանի համար և «կրիտիկական վտանգ» է ներկայացնում Եվրոպայի և ամբողջ աշխարհի անվտանգության համար։