Աշխարհը պետք է վախենա. Պակիստանը սպառնացել է միջուկային պատերազմով
Պակիստանի պաշտպանության նախարար Խավաջա Ասիֆը լուրջ մտահոգություն է հայտնել Հնդկաստանի հետ առճակատման հնարավոր սրման վերաբերյալ՝ ընդգծելով, որ երկու միջուկային տերությունների միջև հակամարտությունը կրում է համաշխարհային ռիսկեր և աշխարհը պետք է վախենա:
SkyNews-ին տված հարցազրույցում նա ասել է, որ ցանկացած սադրանք կարող է հանգեցնել լայնածավալ պատերազմի՝ անկանխատեսելի հետևանքներով, չնայած դիվանագիտական կարգավորման հույսերին։
Ասիֆը նշել է, որ Պակիստանը ստիպված կլինի նույն կերպ արձագանքել Հնդկաստանի ագրեսիվ գործողություններին և կոչ է արել միջազգային հանրությանը, մասնավորապես ԱՄՆ նախագահ Դոնալդ Թրամփին, ավելի ակտիվորեն ներգրավվել լարվածության նվազեցման գործում։ Վաշինգտոնը, իր ազդեցությամբ երկու կողմերի վրա, կարող է կարևոր դեր խաղալ աղետալի սցենարը կանխելու գործում:
Հայտարարությունը հնչում է Քաշմիրի շուրջ երկարատև տարածքային վեճի ֆոնին, որը շարունակում է մնալ թեժ կետ՝ հրադադարի կանոնավոր խախտումներով։
