Ղուկասյանը պաշտոնապես ստանձնեց Գյումրիի քաղաքապետի պաշտոնը

Շիրակի մարզի Գյումրի քաղաքի նորընտիր ղեկավար Վարդան Ղուկասյանը երդմամբ պաշտոնապես ստանձնեց Գյումրիի քաղաքապետի պաշտոնը

Համաձայն Գյումրի համայնքի ավագանու կանոնակարգի 116-րդ կետի՝ քաղաքի ավագանու անդամները համայնքի նորընտիր ղեկավարին հանձնեցին, Գյումրի համայնքի խորհրդանիշներ հանդիսացող լանջաշղթան և բանալին:

«Երդվում եմ պահպանել համայնքի ավագանու որոշումները, ազնվորեն և բարեխղճորեն կատարել համայնքի ղեկավարի լիազորությունները, ծառայել քաղաքի բարգավաճմանը, գործել ի բարօրություն նրա բնակիչների։

Պարտավորվում եմ պաշտպանել քաղաքի իրավունքները, օրինական շահերը, սեփականությունը, ուժերիս անմնացորդ նվիրումով սատարել ժողովորդի հավատին, նպաստել նյութական և հոգևոր վերելքին»,- հայտարարեց Վարդան Ղուկասյանը։