Երևանը պարտվեց «լնգուլավազին», իսկ համայնքը պարտվեց «փողի մեռածներին». Վիկտոր Մնացականյան

Զուգահեռ իրականությունում մայթը պարտվեց հովանավորչությանը: Այս մասին ֆեյսբուքում գրառում է կատարել Կենտրոն վարչական շրջանի նախկին ղեկավար Վիկտոր Մնացականյանը:

Նա նաև տեսանյութ է հրապարակել Երևանի կենտրոնից, որտեղ կանաչ տարածքի հատվածում ակտիվ շինարարություն է իրականացվում։ Ինչպես երևում է տեսանյութում այնտեղ տեղադրվում է գովազդային վահանակ։

«Սիզամարգը պարտվեց բետոնին: Երևանը պարտվեց «Լնգուլավազին», իսկ համայնքը պարտվեց «Փողի Մեռածներին»»,- տեսանյութին կից գրել է նա:

Հիշեցնենք՝ ավելի վաղ ևս Վիկտոր Մնացականյանն անդրադարձել էր թեմային։ Ֆեյսբուքի իր էջում գրառում էր կատարել.

«Ես էլ ասում էի՝ ինչի սրանք ափալ-թափալ Սայաթ-Նովայի ծառերը կտրեցին, ոչնչացեցրին. ընդամենը, որ իրանց գովազդի վահանակները ավելի մրցակցային լինեն ու տեսանելի»։

Նշենք, որ բլոգեր Էդուարդ Հայրումյանը ևս անդրադարձել է թեմային։ Ֆեյսբուքի իր էջում նա գրել է․ «Օօօօ փաստորեն Երևանի կենտրոնով մեկ գովազդային վահանակների տեղադրման նոր տենդա սկսվել»։