ԱԱԾ-ն՝ Արցախում մահացած կնոջ դին ՀՀ տեղափոխելու մասին
Ստեփանակերտում մահացած Վերա Աղասյանի դին Հայաստան տեղափոխելու հարցը քննարկման փուլում է. Այս մասին Radar Armenia-ի հարցին ի պատասխան տեղեկացրել են ԱԱԾ-ից։
«Վերա Աղասյանի դին Հայաստան տեղափոխելու հարցը գտնվում է քննարկման փուլում: Այս փուլում այլ տեղեկատվություն հնարավոր չէ տրամադրել»,- նշել են ԱԱԾ-ից:
Հիշեցնենք, որ օրերս Ադրբեջանի առողջապահության նախարարության պաշտոնյան ասել էր, որ եթե Հայաստանը չընդունի Վերա Աղասյանի դին, նրա ճակատագիրը կորոշեն Ադրբեջանի համապատասխան մարմինները։
Նախորդ տարի հոկտեմբերի 23-ին հայտնի դարձավ, որ Ստեփանակերտում տարեց հայուհի է մահացել։ Նա այն քիչ հայերից էր, որն Ադրբեջանի կողմից արցախահայերի բռնի տեղահանությունից հետո որոշել էր մնալ Ստեփանակերտում։
Ըստ ադրբեջանական լրատվամիջոցների՝ կինը մահացել է սուր թոք-սրտային անբավարարությունից՝ թոքի զարկերակի տրոմբոզի պատճառով։
