Թրամփը ոչ ոքի աշխատանքից չի ազատի

ԱՄՆ նախագահ Դոնալդ Թրամփը NBC News-ին տված հարցազրույցում հայտարարել է, որ չի պատրաստվում որևէ մեկին ազատել աշխատանքից Signal հավելվածի խմբի զրույցին առնչվող սկանդալային միջադեպի արդյունքում։

Նա ընդգծել է, որ վստահում է ազգային անվտանգության հարցերով խորհրդական Մայք Ուոլթսին և պաշտպանության նախարար Փիթ Հեգսեթին, իսկ նրանց հնարավոր պաշտոնանկության մասին լուրերն անվանել է կեղծ՝ որակելով դրանք որպես «վհուկների որս»։

Հիշեցնենք, որ ավելի վաղ հայտնի էր դարձել, որ Թրամփի վարչակազմի բարձրաստիճան պաշտոնյաները, այդ թվում՝ Վենսը, Ռուբիոն, Ուոլթսը, Ուիթքոֆֆը, Գաբբարդը և այլք, հութիների դեմ ռազմական գործողության համար Signal հավելվածում խումբ են բացել և քննարկել բոլոր մանրամասները։ Պենտագոնի ղեկավար Հեգսեթն անգամ խմբում տեղադրել է ռազմական գործողության բոլոր պլանները։

Սխալմամբ այդ խմբում ավելացրել են The Atlantic պարբերականի խմբագրին, որն էլ իր հրատարակման մեջ ներկայացրել էր փակ խմբի քննարկումերի նկարները։