«Մայր Հայաստան» դաշինքի ներկայացուցիչ Էմմա Գրիգորյանին տարել են Հակակոռուպցիոն կոմիտե
«Մայր Հայաստան» դաշինքի ներկայացուցիչ Էմմա Գրիգորյանին Գյումրիից տեղափոխել են Երևանի հակակոռուպցիոն կոմիտե։ Այս մասին լրագրողների հետ զրույցում հայտնել է «Մայր Հայաստան» դաշինքից Գյումրիի քաղաքապետի թեկնածու Կարեն Սիմոնյանը։
Հիշեցնենք՝ ոստիկանության և հակակոռուպցիոն կոմիտեի աշխատակիցները խուզարկություն էին անցկացնում Գյումրիի «Մայր Հայաստան» դաշինքի գրասենյակում՝ ակնհայտորեն խոչընդոտելով մեր աշխատանքները, հայտնում են դաշինքից:
«Սա մենք գնահատում ենք որպես իշխանությունների կողմից հարձակում Գյումրու ընտրություններին մասնակցող ընդդիմադիր ուժի դեմ և կոչ ենք անում լրատվամիջոցներին գալ Գորկու 50/4 հասցե։ Վաղ առավոտյան խուզարկություն է իրականացվել նաև մեր թիմակից Արա Ոսկանյանի տանը, ով կազմակերպչական հարցերով է զբաղվում»,-նշված է եղել հաղորդագրության մեջ:
